Bu gün cüdo üzrə Antalya Qran-Prisinə start veriləcək.

Sportfm.az saytı apasport.az-a istinadən xəbər verir ki, yarışa 13 cüdoçu ilə qatılan komandamız ilk gündə 7 idmançı ilə mübarizə aparacaq.

Kişilərin yarışında bir çəki dərəcəsində 2, qadınlarda isə 3 çəki dərəcəsində 5 cüdoçu tatami üzərinə çıxacaq.

 

Kişilər

66 kq

 

Bu çəki dərəcəsində çıxış edən İlkin Babazadə mübarizəyə 1/16 final mərhələsindən start verəcək. Onun ilk rəqibi bosniyalı Petar Zadro olacaq. İdmançımız qalib gəlsə, 1/8 finalda moldovalı Denis Vieru ilə qarşılaşacaq.

 

Vüqar Şirinli də eyni çəkidə çıxış edir və turnirə eyni mərhələdən başlayacaq. Cüdoçumuz ilk olaraq özbəkistanlı Sərdor Nurillayevi sınağa çəkəcək. Mümkün qələbə Vüqara 1/8 finalda monqol Altansux Dovdonu rəqib edəcək.

 

Qadınlar

48 kq

Bu çəki dərəcəsində yarışacaq hər iki cüdoçumuz yarışa 1/8 finaldan başlayacaq.

 

Ayişə Qurbanlının ilk rəqibi çinli Çen Qyao olacaq. Mümkün qələbə sayəsində Ayişənin 1/4 finaldakı rəqibi Noa Minsker (İsrail)/Şahnaz Güz (Türkiyə) cütünün qalibi olacaq.

 

Gültac Məmmədəliyeva isə portuqaliyalı Maria Siderotla üz-üzə gələcək. Qalib gələcəyi təqdirdə isə Gültacın rəqibi Sabina Giliyazova (Rusiya)/Tuğba Yayla (Türkiyə) cütünün qalibi olacaq.

 

52 kq

Yeganə təmsilçimiz Nəzakət Əzizova meydan sahibi İrem Korkmazla qarşılaşacaq. Cütün qalibi israilli Gili Kohenlə üz-üzə gələcək.

 

57 kq

Bu çəkidə iki xanım idmançımız yarışacaq.

 

Leyla Şahin rus Aygül Kutsenko ilə qarşılaşacaq. Qalib gəlsə, Leylanın rəqibi Xulan Seregbaatar (Monqolustan)/Seyma Özərlər (Türkiyə) cütünün qalibi olacaq.

 

Nərgiz Hacıyeva isə özbək Sənubər Sultanova ilə rəqib olacaq. Sonrakı mümkün rəqib isə israilli Timna Nelson Levi olacaq.