Yanvarın 17-22-də Serbiyanın Sombor şəhərində qız və qadın boksçular arasında Millətlər kuboku keçiriləcək.

Sportfm.az xəbər verir ki, ilin ilk yarışında Azərbaycan millisi baş məşqçi Yadigar Məmmədov və İlkin Ağayev rəhbərliyi altında 4 yaş kateqoriyasında mübarizə aparacaq.

14 ölkənin qatıldığı turnirdə Səma Hüseynova (54 kq) məktəblilərin, Banuçiçək Nəsirli (46 kq) yeniyetmələrin, Aysu İsmayılova, Lalə Mədətova (hər ikisi 48 kq), Nərmin Əlizadə (50 kq), Aynur Mikayılova (52 kq) və Emili Rzayeva (66 kq) gənclərin yarışında qüvvələrini sınayacaqlar.

Böyüklərin mübarizəsində isə rinqə Günel Rəhimova (48 kq), Anaxanım İsmayılova (50 kq), Məhsəti Həmzəyeva (57 kq), Esmira Məmmədova (63 kq) və Şəhla Allahverdiyeva (66 kq) çıxacaqlar.

Bu gün səfərə yollanan milli komanda yanvarın 23-də Bakıya qayıdacaq.

Oxşar xəbərlər

Boksçularımız beynəlxalq turnirdə iştirak edəcək - Polşada

Boksçularımız beynəlxalq turnirə yollandı

Millətlər Kubokundan 11 medal

Boksçularımız Millətlər kubokunda qızıl medal qazandı - FOTO

Millimizin Avropa çempionatı üçün heyəti - SİYAHI