Xatırladaq ki, AFFA-nın baş katibi Elxan Məmmədovun UEFA İcraiyyə Komitəsi üzvlüyünə namizədliyi irəli sürülmüşdü. O, seçkilərdə uğur qazansa, UEFA-da yüksək vəzifə tutan ilk azərbaycanlı olacaqdı. Amma Məmmədov UEFA İcraiyyə Komitəsinə üzv seçilə bilməyib. AFFA-nın baş katibi 24 səs toplayıb. UEFA İcraiyyə Komitəsinə Con Delani (İrlandiya), Zibiqnev Bonek (Polşa), Devid Hill (İngiltərə), Raynhart Qrindel (Almaniya), Karl Erik Nilson (İsveç), Mişel Uva (İtaliya), Maykl van Praaq (Hollandiya) və Sərvət Yardımçı (Türkiyə) seçiliblər.

 

UEFA-nın tədbirinin gündəliyində bu məsələlər yer alıb:

 

- Qarşıdakı 4 ildə UEFA İdarə Heyətində çalışacaq 8 üzvün müəyyənləşməsi

- Növbəti 4 ildə UEFA-nı FİFA-da təmsil edəcək 4 üzvün seçki ilə müəyyənləşməsi

- Növbəti 2 ildə UEFA-nı FİFA-da təmsil edəcək 1 üzvün seçki ilə müəyyənləşməsi

- UEFA prezidenti, İdarə Heyəti və komitə sədrlərinin illik fəaliyyətlə bağlı hesabatı

- 2015/2016 mövsümünün maliyyə hesabatı və 2017/2018 mövsümünün büdcə təsdiqi

- UEFA-nın Klub Maliyyə Nəzarət Komitəsinin strukturunun təsdiqlənməsi