Rusiyanın “Arsenal” (Tula) klubunda çıxış edən Kamran Əliyev bundan sonra karyerasını Azərbaycanda davam etdirəcək.

Sportfm.az xəbər verir ki, 24 yaşlı hücumçu “Sumqayıt”a keçir.

Bu gün “Sumqayıt”ın düşərgəsinə qoşulan əslən azərbaycanlı rusiyalı forvardın tezliklə rəsmi müqaviləyə imza atması gözlənilir.

Kamran Əliyev 2022-ci ilin iyul ayından “Arsenal”da çıxış edirdi. O, daha öncə “Ximki” və “SKA Xabarovsk” klublarının da formasını geyinib. Əliyev Azərbaycanın U-21 yığmasına cəlb olunsa da, sonradan millimizdən gələn təklifləri Rusiyada legioner sayılacağı səbəbindən geri çevirib. Lakin futbolçunun “Sumqayıt”la müqavilə bağladıqdan sonra milli komandamıza da cəlb olunması gözlənilir.

Oxşar xəbərlər

Kamran Əliyev “Sumqayıt”da - RƏSMİ

Əliyev Azərbaycana gəlir?

Azərbaycanlı futbolçu "Arsenal"da - Detallar açıqlanmadı

“Sumqayıt”ın futbolçusu Ukrayna klubunda - Transfer

Azərbaycanlı futbolçu "Zenit"də - FOTO