"Fənərbaxça"nın təcrübəli qapıçısı yeni sezondan "Qarabağ"da çıxış edə bilər.

Milli.Az xəbər verir ki, bu iddia ilə Türkiyə mətbuatı çıxış edib. Qardaş ölkənin KİV-nin yaydığı məlumata görə, Azərbaycanın "Qarabağ" klubu ilin sürprizinə imza ataraq 35 yaşlı qapıçının menecerinə 2 illik müqavilə təklif edib.

Təklifin Volkan Dəmirələ çatdırıldığı və bunun üçün təcrübəli qapıçının "Qarabağ"a təşəkkür etdiyi deyilir. Lakin Volkan mövsümün sonu müqaviləsi başa çatan "Fənərbaxça"dan son dəqiqəyə qədər yeni müqavilə gözləyəcəyini deyib.