Fransa millisinin üzvü Kilian Mbappe yığmada yeni rekorda imza atıb.

Sportfm.az xəbər verir ki, o, buna ötən gecə DÇ-2022-nin ilk turunda Avstraliya ilə görüşdə fərqlənməklə nail olub. Nəticədə Mbappe dünya çempionatlarında vurduğu qolların sayını 5-ə çatdırıb. 23 yaşlı forvard Fransa millisində belə nəticəyə çatan ən gənc futbolçu adını qazanıb.

Daha əvvəl bu rekord Jyost Fontenə məxsus idi. O, 24 yaında olarkən 1958-ci ildə 5 qol səddinə çatmışdı.

Qeyd edək ki, Mbappe 2017-ci ildən Fransa millisinin üzvüdür. O, digər 4 qolunu 2018-ci ildə Rusiyada keçirilən mundialda vurub. Həmin vaxt Fransa yığması dünya çempionu olub.

Oxşar xəbərlər

Messi yeni rekorda imza atdı

Mbappedən daha bir uğur

Jiru rekorda doğru...

20 yaşlı futbolçudan daha bir rekord

DÇ-2018: Pelenin rekordu təkrarlandı