Azərbaycan şahmatçısı Gövhər Beydullayeva Sardiniyada (İtaliya) keçirilən gənclər arasında dünya çempionatında uğurlu çıxışını davam etdirir. 

Sportfm.az xəbər verir ki, milli komandanın 19 yaşlı üzvü altıncı turda Nutakki Priyankanı (Hindistan) məğlub edərək xalını 5,5-ə çatdırıb. 

Hazırda Gövhər Beydullayeva vahid lider olub və ən yaxın izləyicisini 0.5 xal qabaqlayır.

Abdulla Qədimbəyli 6-cı turda italiyalı Françesko Sonislə heç-heçə oynayıb. Aktivində 4,5 xal olan şahmatçımız liderlərdən yarım xal geri qalmaqla beşinci pillədə qərarlaşıb.

Ləman Hacıyeva və Məhəmməd Muradlı Flippin təmsilçilərindən üstün olublar. Hacıyeva 4 xalla 18-ci, Muradlı 3 xalla 67-cidir.

Dünya çempionatı İsveçrə sistemi üzrə 11 turdan ibarət olacaq.

Oxşar xəbərlər

Qalib bu gün müəyyənləşəcək - Azərbaycan çempionatı

Dünya çempionatı başa çatır - Şahmat üzrə

Rapid növündə qaliblər bəlli olacaq - Dünya çempionatı

Azərbaycan şahmatçıları növbəti görüşlərini keçirəcək - Dünya çempionatı

Azərbaycanlı dünya çempionu oldu