Azərbaycan karateçiləri Bakıda keçirilən Premyer Liqa turnirini 3 qızıl və 3 bürünc medalla başa vurub.

Sportfm.az xəbər verir ki, kişilərin 60 kiloqram çəki dərəcəsində yer alan Əminağa Quliyev qızıl medal uğrunda həlledici dueldə misirli Kərim Aboeitta ilə gərgin keçən döyüşdən qalib ayrılıb – 6:5.

Qadınlarıh 68 kiloqram çəki dərəcəsində yarışan dünya çempionu İrina Zaretska finalda 2019-cu ildə Minskdə keçirilmiş 2-ci Avropa Oyunlarının finalında uduzduğu Silvia Semerarodan (İtaliya) üstün olub. 5:5 bitən görüşdə qələbə Zaretskaya verilib.

Nəhayət, kişilərin 84 kiloqramdan yuxarı çəkisindəki Asiman Qurbanlı Taha Mahmuda (Misir) 2:1 qalib gələrək qızıl medal qazanıb.

Tural Ağalarzadə (67 kq), Turqut Həsənov (84 kq) və Murad Hacızadə (+84 kq) isə üçüncü yer uğrunda görüşlərini qələbə ilə başa vuraraq yarışı bürünc medalla tamamlayıblar.

Oxşar xəbərlər

Cüdoçularınız açıq Avropa turnirini 3 medalla başa vurdu

Zaretska Avropa Oyunlarının qalibi oldu

İki cüdoçumuzdan böyük uğur

Azərbaycan karateçiləri yarışı 9 medalla başa vurdu - MDB Oyunları

Azərbaycan cüdoçuları Qran Pridə 3 qızıl, 1 bürünc medal qazandı