Azərbaycan şahmatçısı Şəhriyar Məmmədyarov bu gün ABŞ-ın Sent Luis şəhərində "Grand Chess Tour"un 4-cü mərhələsində mübarizəyə başlayacaq.

Sportfm.az xəbər verir ki, 37 yaşlı qrossmeyster şəhərin eyniadlı turnirinin birinci turunda Fransanı təmsil edən İran əsilli şahmatçı Alireza Firuzca ilə, ikinci turda ABŞ-ı təmsil edən Levon Aronyanla, üçüncü turda isə fransalı Maksim Vaşye-Laqravla görüşəcək.

10 oyunçunun qatıldığı turnirdə şahmatçılar avqustun 28-dək rapid, növbəti iki gündə isə blits növündə çıxış edəcəklər.

Qeyd edək ki, 175 000 ABŞ dolları mükafat fonduna malik "Grand Chess Tour"un 4-cü mərhələsi avqustun 30-da başa çatacaq.

Oxşar xəbərlər

Məmmədyarov Aronyanla heç-heçə etdi - Superbet Chess Classic

Məmmədyarov bu gün Aronyanla qarşılaşacaq - Superbet Chess Classic

Şəhriyar Məmmədyarov məğlubiyyətlə başladı - Grand Chess Tour

Teymur Rəcəbov Aronyanla bərabərə qaldı - Grand Chess Tour

Məmmədyarov “Grand Chess Tour”da çıxış edəcək