"Zirə"nin baş məşqçisi Rəşad Sadıqov heyətdən kənarlaşdırılaraq transferə çıxarılan Təmkin Xəlilzadə və İlkin Muradov haqqında danışıb.

Sportfm.az xəbər verir ki, o, Premyer Liqanın 3-cü turunda "Sumqayıt"la keçirilən oyundan (0:0) sonra "CBC Sport"a açıqlamasında bu barədə deyib:

"Hamı bilir ki, bu futbolçulara çox dəstək olmuşam. Detallara varmaq istəmirəm. Bu oyunçulara qayğı göstərmişəm. Müəyyən səbəblər var ki, belə qərar qəbul etdik. Hər ikisi yaxşı futbolçudur. Onlara gələcək karyeralarında uğurlar arzulayıram".