“Sumqayıt” “Çukariçki”nin hücumçu Almir Aqanspahiçin transferini açıqlayıb.

Sportfm.az xəbər verir ki, bosniyalı futbolçu 1 illik icarəyə götürüb. 25 yaşlı futbolçu “Sumqayıt”da “9” nömrəli formada çıxış edəcək.

Qeyd edək ki, Almir Aqanspahiç karyerası ərzində Bosniya və Herseqovinanın “Sarayevo”, “Mladost” (Kakan), “Krupa”, “Çelik”, Xorvatiyanın “Osiyek”, Norveçin “Raufoss”, Serbiyanın “Novi Pazar” və “Çukariçki” klublarının uğurları üçün çalışıb. Aqanspahiç Bosniya və Herseqovinanın U-17, U-18 və U-21 millilərinə də cəlb olunub.