Qadın futbolçular arasında Avropa çempionatının qalibi müəyyənləşib. 

Sportfm.az xəbər verir ki, İngiltərə yığması tarixində ilk dəfə qitənin ən güclüsü adını qazanıb. 

Londondakı "Uembli" stadionunda keçirilmiş final matçında yerli komanda Almaniyaya əlavə vaxtda qalib gəlib - 2:1. Hesabı 62-ci dəqiqədə ingiltərəli Ella Tun açıb. 74-cü dəqiqədə Lina Maqull bərabərlik qolunu vurub və oyunun taleyini əlavə vaxta daşıyıb. 

111-ci dəqiqədə isə Kloi Kelli İngiltərə millisinin qələbə topunun müəllifi olub. Kelli qol sevincini futbolkasını əynindən çıxararaq qeyd etdiyi üçün ukraynalı referi Katerina Monzuldan sarı vərəqə alıb. 

Qeyd edək ki, yarımfinalda İngiltərə İsveçi 4:0, Almaniya isə Fransanı 2:1 hesabı ilə üstələyib.  

Oxşar xəbərlər

İngilislər bu şansı əldən vermədi

Finala çıxanlar məlumdur

Avropa çempionatında yarımfinalçılar məlum oldu

İlkayın qolu bərabərlik üçün yetmədi - "Siti" evdə məğlub oldu

İspaniya İsveçrə səddini keçdi, İtaliya Belçikaya qarşı - YENİLƏNİR