Fevralın 17-19-da Şimal DRES qəsəbəsindəki Ağır Atletika Akademiyasında keçiriləcək 15 və 17 yaşadək (2000-2001-ci il təv. və 2002-2004-cü il təv.) yeniyetmə oğlan və qızlar arasında Azərbaycan birinciliyi davam edir.

 

Sportfm.az xəbər verir ki, yarışda ölkənin bütün şəhər və rayonlarından idman cəmiyyətləri, klubları, mərkəzləri, UGİM-lərini təmsil edən 150-yə yaxın gənc atlet iştirak edirlər. Yarışların ikinci günündə körpücük üzərinə ilk olaraq yaşı 15-ə qədər olan yeniyetmə oğlanlar 56 kq çəki dərəcəsinin "A" qrupunda mübarizə aparmaq üçün çıxıblar. Burada lənkəranlı atlet Rüstəm Qasımov toplam 187 kq (87+100) nəticə göstərib və qızıl medala sahib çıxıb.

Gümüş medalı toplam 177 kq (79+98) nəticə ilə Samir Əskərzadə, bürünc medalı isə 173 kq (79+97) nəticə ilə Novruz Muxtarlı əldə edib.