Şüvəlandakı Ağır Atletika Akademiyasında 15 və 17 yaşadək yeniyetmə oğlan və qızlar arasında Azərbaycan birinciliyi keçirilir.

Sportfm.az xəbər verir ki, yarışın ikinci günündə körpücük üzərinə ilk olaraq yaşı 15-dək olan oğlanlar arasında 62 və 69 kiloqram çəki dərəcələrində mübarizə aparan atletlər çıxıblar.

Yarışda 62 kiloqram çəki dərəcəsində toplam 178 kiloqram (78+100) nəticə ilə Kamil Nəbiyev qızıl medala layiq görülüb. Nurlan Məmmədzadə 175 kiloqram (75+100) nəticə ilə gümüş medala, Sənan Sahibov isə 162 kiloqramlıq (72+90) göstərici ilə bürünc medala sahib olublar.

Birincilikdə 69 kiloqram çəki dərəcəsində çıxış edən Murad Əliyev fəxri kürsünün ən yüksək pilləsinə qalxıb. O, toplam 216 kiloqram (101+115) nəticə ilə birinci olub. Gümüş medala 190 kiloqram (90+100) nəticə ilə Səlimxan Mürşüdov, bürünc mükafata isə 163 kiloqramlıq (70+93) nəticə ilə Canəli Əsədov sahib çıxıblar.

Yarışda ölkənin bütün şəhər və rayonlarından idman cəmiyyətləri, klubları, mərkəzləri, uşaq-gənclər idman məktəblərini təmsil edən 150-yə yaxın gənc atlet iştirak edir. 

Oxşar xəbərlər

Atletlərimiz Avropa çempionatında iki gümüş medala sahib oldu - FOTO

Kənan Xəlilov fəxri kürsünün ən yüksək pilləsinə qalxdı

Azərbaycanlı ağır atlet Avropa çempionu oldu - FOTO

Yeniyetmələr arasında Azərbaycan birinciliyi başa çatdı

Rüstəm Qasımov Azərbaycan çempionu oldu