19 yaşadək futzalçılardan ibarət Azərbaycan millisi Avropa çempionatının seçmə mərhələsində mübarizəyə başlayıb.

Sportfm.az xəbər verir ki, Ağatahir Əzimovun başçılıq etdiyi kollektiv 7-ci qrupdakı ilk oyununda Xorvatiyanın müvafiq yaş qrupu üzrə yığması ilə qarşılaşıb.

Xorvatiyanın Karlovats şəhərində keçirilən görüş meydan sahiblərinin 6:1 hesablı qələbəsi ilə yekunlaşıb. Azərbaycan millisinin heyətində yeganə qolu 25-ci dəqiqədə Nazim Rəhimov vurub.

Yığma qrupdakı ikinci sınağında Latviya ilə üz-üzə gələcək. Martın 18-də oynanılacaq qarşılaşma Bakı vaxtı ilə saat 20:00-da başlayacaq.

Qeyd edək ki, bu qrupda Belarus yığması da yer alırdı. Lakin komanda hava məkanı bağlı olduğuna görə Xorvatiyaya uça bilməyib.

Oxşar xəbərlər

Millimiz seçmə mərhələyə məğlubiyyətlə başladı - Avropa çempionatı

Millinin toplanışı ləğv edildi - Kütləvi yoluxma

Azərbaycan yığması son oyunda qələbə qazandı - Avropa çempionatı

Futzal yığmamız böyük hesabla uduzdu - MDB Oyunları

Futzalçılarımız son matçına çıxacaq