Region Liqasında ilin son turu -

Yazar araz 24 dekabr 2021 13:58 528 nəfər baxıb

Region Liqasında ilin son turu -mərkəzi matçda qış çempionu müəyyənləşəcək

AFFA-nın keçirdiyi Region Liqasında cari mövsümdə bu il üçün son turun oyun cədvəli açıqlanıb.

Sportfm.az xəbər verir ki, qalanlarının fasiləyə çıxdığı bir vaxtda yalnız bir zonada - Qərb və Şimal-Qərbdə IX turun matçları olacaq. Bunlar həftəsonu 2 günü əhatə edəcək.

Qış çempionunun müəyyənləşəcəyi mərkəzi matç sabah Ağstafada olacaq. Belə ki, turnir cədvəlində 2-ci pillədə gedən bu rayonun eynadlı komandası lider "Energetik"i qonaq edəcək. "Ağstafa" qalib gələrsə, həm mingəçevirliləri cari çempionatda məğlub edən ilk komanda, həm də 1-ci pilləni onun əlindən alaraq qış çempionu olacaq. Zaur Qarayevin komandasına isə ayyarımlıq tətilə vahid lider kimi yollanmaq üçün bərabərlik də yetərlidi.

Turnir cədvəlində 3-cü gedən "Karvan" Qazax səfərindən qələbəylə dönərsə, qış fasiləsinə 2-ci pillədə yollana bilər. Bu zonada komanda sayı tək olduğuna görə Gəncənin eyniadlı komandası istirahət edəcək.

Onu da bildirək ki, Qərb və Şimal-Qərb zonası da istirahətə yolanmaqa Region Liqası tam qış fasiləsinə çıxacaq. Mübarizə 2022-ci ilin fevralın 5-6-da davam edəcək.