“Neftçi” Peşəkar Futbol Klubuna yeni idman direktoru təyin olunub.

Sportfm.az xəbər verir ki, bundan sonra bu vəzifəni Zaur Əzizov yerinə yetirəcək.

37 yaşlı mütəxəssis 2008-2021-ci illərdə “Qəbələ” klubunun baş meneceri olub. Qəbələ təmsilçisi bu müddətdə Premyer Liqada iki gümüş (2016/17, 2017/18), üç bürünc (2013/14, 2014/15, 2015/16) medal qazanıb. Bu müddətdə 4 dəfə Azərbaycan kubokunun finalına yüksələn komanda 2018/19 mövsümündə ilk tituluna yiyələnib. Avrokuboklardakı debütü Əzizovun baş menecerliyi dövrünə təsadüf edən “Qəbələ” ardıcıl iki dəfə (2015/16, 2016/17) 4 mərhələ adlamaqla UEFA Avropa Liqasının qrupunadək irəliləyib.

Qeyd edək ki, bundan əvvəl “Neftçi”nin idman direktoru vəzifəsini 2018-ci ilin fevralından 2020-ci ilin noyabrınadək Ceyhun Sultanov icra edib.

Oxşar xəbərlər

"Neftçi" yeni idman direktorunu təqdim etdi - FOTO

Zaur Əzizov “Qəbələ”dən ayrıldı

Topaz Premyer Liqası: 11-ci tura tarixi səyahət

Topaz Premyer Liqasının 2-ci turu rəqəmlərin gözü ilə

Qriqorçuk Qazaxıstan çempionatında!