Azərbaycan Premyer Liqasının 10-cu turu çərçivəsində baş tutmuş “Zirə” ilə matç (3:3) “Sabah”ın futbolçuları Coy-Lens Mikels və Xuan Kamara üçün əlamətdar olub.

Sportfm.az xəbər verir ki, bu oyunda iki qol vuran Mikels “Sabah”ın heyətində ilk dubluna imza atıb. Matçın 47-ci saniyəsində fərqlənən yarımmüdafiəçi Azərbaycan Premyer Liqasının cari mövsümündə ən erkən qolun müəllifi olub.

Görüşün 32-ci dəqiqəsində Kristian Sebalyosun əvəzinə meydana daxil olan Xuan Kamara isə matçın ilk hissəsinə əlavə edilmiş 2-ci dəqiqədə fərqlənərək, “Sabah”da ilk rəsmi qolunu vurub. Bu görüş Kamara üçün heç də yalnız xoş ilklərlə yadda qalmayıb. Belə ki, 48-ci dəqiqədə ikinci sarı vərəqədən sonra meydandan kənarlaşdırılan ispaniyalı yarımmüdafiəçi “Sabah”da ilk qırmızı vərəqəsini alıb.

Oxşar xəbərlər

“Sabah”ın futbolçuları üçün əlamətdar oyun

“Sabah” legionerini göndərdi - RƏSMİ

“Sabah”da yubiley və rekordlar - Azərbaycan Premyer Liqası

“Sabah”ın 2-ci “sambaçı”sı debüt etdi - Azərbaycan Premyer Liqası

"Sabah" "Zirə" ilə bərabərə qaldı - Azərbaycan Premyer Liqası