Yunan-Roma güləşi üzrə dünya və Avropa çempionu Rəsul Çunayev növbəti ali təhsilini alacaq.

Sportfm.az xəbər verir ki, bu barədə o, öz İnstaqram hesabında məlumat yayıb. Çunayev Dövlət İdarəçilik Akdemiyasına qəbul olduğunu yazıb: 

"Uşaq olarkən təhsilin əhəmiyyətini anlamadığım vaxtlarda məktəbə getməyi heç sevməz, dərs oxumaq istəməzdim. Amma böyüdükcə anladım ki, təhsilin insan həyatında böyük və mühüm bir rolu var. Əgər Vətəninə, xalqına xeyirli bir övlad olmaq istəyirsənsə, lazım olan əsaslardan biri də təhsildir. Yəni təhsil, həqiqətən də, bir millətin gələcəyidir.

İndi isə Azərbaycan Respublikasının Prezidenti yanında Dövlət İdarəçilik Akademiyasının tələbəsiyəm və təhsil həyatında 3-cü dəfə universitet oxuyacaq bir tələbə kimi demək istəyirəm ki, təhsil almaq üçün heç bir vaxt gec deyil. Siz də mənim kimi sonradan peşman olmayasınız deyə, verəcəyim ən önəmli tövsiyələrdən biri də budur ki, təhsili öz həyatınızda əhəmiyyətli tutun. Çünki savad hər sahədə lazımlı və vacibdir".

Qeyd edək ki, R.Çunayev bundan öncə AzDBTİA və BDU-da ali təhsil alıb.

Oxşar xəbərlər

Rəsul Çunayev güləş məktəbi açdı

Rəsul Çunayevin 3 əsrlik evi - VİDEO

Rəsul Çunayev bürünclə kifayətləndi

Ulduz futbolçular tələbə oldular

İslam Abbasov beşinci oldu