20 saniyəyə kəşf edilən ulduz...

Yazar araz 01 fevral 2017 12:21 1498 nəfər baxıb

20 saniyəyə kəşf edilən ulduz...

Azərbaycanda Türkiyə futbolunu yaxından izləyən çox sayda futbolsevər var.

Sportfm.az xəbər verir ki, yığmamızın üzvü Ramil Şeydayevin Türkiyə Super Liqasının iddialı klublarından biri olan "Trabzonspor”a transferindən sonra qardaş ölkənin çempionatına maraq daha da artdı. Ancaq Trabzonda ümidləri doğrultmayan Şeydayev Ersun Yanalın etimadını qazana bilmədi. Əvəzində, Ramildən bir yaş kiçik olan Yusuf Yazıcı komandanın əsas heyət üzvünə çevrildi. Meydana çıxdığı 8 matçda 4 dəfə fərqlənən gənc futbolçunu mövsümün kəşfi adlandırmaq olar. Bu istedadlı oyunçunun "Trabzonspor”a gəlişinin qəribə tarixçəsi bar. Belə ki, Trabzon vilayətinin Çaykara qəsəbəsində dünyaya gələn Yusuf 8 yaşında "Trabzonspor”un akademiyasında oyunçu seçimlərinə qatılıb. Yusuf, məşqçi Salih Tekke tərəfindən meydanda daxil olduqdan 20 saniyə sonra vurduğu qolun ardından komandaya götürülüb. Hətta bu qərara görə, məşqçini qınayanlar belə olub. Ancaq indi görürük ki, Tekke yanılmayıb. Hazırda Yusufun Fatih Terim tərəfindən Türkiyə millisinə dəvət ediləcəyi gözlənilir.