Konfrans Liqasının qrup mərhələsində “Qarabağ”la qarşılaşacaq “Omoniya” (Kipr) klubunda heyətlə bağlı problemlər var.

Sportfm.az xəbər verir ki, komandanın baş məşqçisi Henninq Berqin “Qarabağ”la oyundan əvvəl heyətlə bağlı narahatlığının olduğu bildirilib.

“Omoniya”da amerikalı yarımmüdafiəçi Miks Diskerudun hələ bir neçə matçı buraxacağı daha əvvəldən bilinirdi. Vitse-kapitan Yannis Kousoulos isə iki aydır ki, komandadan ayrıdır və yaşıl meydanlara qayıdacağı vaxt bəlli deyil. Yarımmüdafiəçi Erik Boteakın durumu isə qeyri-müəyyəndir. 

Sentyabrın 30-da keçiriləcək “Omoniya” – “Qarabağ” oyunu saat 23:00-da başlayacaq.