Azərbaycanlı MMA döyüşçüsü Nəriman Abbasov növbəti döyüşünü keçirib.

Sportfm.az xəbər verir ki, 27 yaşlı idmançı yüngül çəkidə rusiyalı keçmiş UFC çempionu Həbib Nurməhəmmədova məxsus EFC-nin (Eagle Fighting Championship) prezidenti Şamil Zavurovla qarşılaşıb.

Nurməhəmmədovun mərhum atası Əbdülmanaf Nurməhəmmədovun xatirəsinə həsr olunmuş turnir çərçivəsində baş tutan döyüş Abbasovun inamlı qələbəsi ilə başa çatıb. O, ilk raundda rəqibinə nokautla qalib gəlib.

Bu, Zavurovun vida görüşü olub. O, Həbib Nurməhəmmədovun yeznəsidir. Nurməhəmmədov Zavurova rəqib kimi azərbaycanlı idmançı Nəriman Abbasovu təklif edib.

Qeyd edək ki, Şamil Zavurov MMA-da indiyədək 47 döyüş keçirib və bunlardan 40-da qalib gəlib. Nəriman Abbasov isə 11 döyüşdür uduzmur. O, hazırda yüngül çəkidə Rusiyanın “AMC Fight Nights” təşkilatına məxsus kəmərin sahibidir. Abbasov bu kəməri iki dəfə uğurla müdafiə edib.

Oxşar xəbərlər

"Qəbələ" Nəriman Abbasova avtomobil hədiyyə etdi - FOTO

“Həbib mənə söz verib” - MMA döyüşçümüz

MMA döyüşçümüz növbəti qələbəsini qazandı - UĞUR

Nurməhəmmədovun yeznəsinə azərbaycanlı rəqib

Həbibin atasının vəziyyəti ağırdır - Koronavirusa yoluxdu