FİFA bəzi dövlətlərə müracit edib.

Sportfm.az xəbər verir ki, ali futbol qurumunun hökumətlərə ünvanlanan məktubunda Əfqanıstandan qadın futbolçuların təcili təxliyəsi ilə bağlı məsələ nəzərdə tutulub. Bu barədə BBC məlumat yayıb.

Məktubda bildirilib ki, qadın futbolçular Əfqanıstanda hakimiyyət dəyişikliyindən sonra öz həyatları üçün təhlükə hiss edirlər. FİFA hesab edir ki, Əfqanıstanda vəziyyət qeyri-sabit və gərgin olaraq qalır. Buna görə də, əfqanıstanlı qadın futbolçuların ölkədən çıxarılması zərurəti yaranıb.

Xatırladaq ki, radikal hərəkatın döyüşçüləri avqustun 15-də paytaxt Kabilə daxil olaraq, Əfqanıstanda “müharibənin başa çatdığını", ölkənin "azad olduğunu” bildiriblər. Hərəkatın nümayəndələri qeyd ediblər ki, tezliklə İslam əmirliyinin yaradılmasını elan edəcəklər. “Taliban” həmçinin xarici qoşunların ölkədən çıxarılmasını tələb edib.

Oxşar xəbərlər

İdman kanalı fəaliyyətini dayandırdı - Açıqlama

Əfqanıstanın futbol yığması ölkəni tərk etdi

FİFA təkzib etdi - Qaydalar dəyişməyəcək

Transferlərdə yaş limiti dəyişir - FİFA

AFFA 1.5 milyon dollar əldə edəcək - FİFA-dan yardım