Bu gün Azərbaycanın üç təmsilçisi Tokio-2020 Yay Olimpiya Oyunlarında mübarizə aparacaq.

Sportfm.az xəbər verir ki, bunlar atıcı Ruslan Lunyov, yunan-Roma güləşçisi Rafiq Hüseynov (77 kq) və qadın güləşçi Elis Manolovadır (68 kq).

Kiçikçaplı tapançadan kişilərin 25 metr məsafəyə atəşaçma yarışının birinci təsnifat mərhələsində 281 xalla 27 idmançı arasında 24-ci yeri tutan Lunyov bu gün ikinci təsnifat mərhələsində mübarizə aparacaq. Final mərhələsinə ən yaxşı nəticə göstərmiş 6 atıcı yüksələcək. Lunyov iyulun 24-də kiçikçaplı tapançadan 10 metr məsafəyə atəşaçma yarışında 20-ci olub.
Güləşçilərimiz isə Tokio-2020-də ilk dəfə mübarizəyə başlayacaqlar. Hüseynov 1/8 finalda isveçli dünya ikincisi və Avropa üçüncüsü Aleks Kessidislə qarşılaşacaq.

Manolova isə 1/8 finalda  Blessinq Oborududu (Nigeriya) ilə üz-üzə gələcək.

2 avqust

Kiçikçaplı tapançadan 25 metr məsafəyə atəşaçma

2-ci təsnifat mərhələsi. Ruslan Lunyov

Yunan-Roma güləşi
77 kq

1/8 final. Rafiq Hüseynov - Aleks Kessidis (İsveç)

Qadın güləşi
68 kq

Elis Manolova - Blessinq Oborududu (Nigeriya)

Oxşar xəbərlər

Ruslan Lunyovdan Portuqaliyada uğur

Daha bir idmançımız mübarizəni dayandırdı - Tokio-2020

Güllə atıcımızdan bürünc medal - Avropa çempionatı

İdmançımız beynəlxalq turnirdə qızıl medal qazandı - 241,7 xal

İdmançılarımız beynəlxalq yarışdan iki qızıl medalla qayıdır