Futbol üzrə Avropa çempionatının Bakıda keçiriləcək oyunlarına indiyədək satılmış biletlərin sayı açıqlanıb.

Sportfm.az xəbər verir ki, bu barədə AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla məlumat verib.

Onun sözlərinə görə, 4 oyun üçün 44 min bilet alınıb: "Bunlardan 6 mini İsveçrə - Uels, 18 mini Türkiyə - Uels, digər 20 mini isə Türkiyə - İsveçrə və 1/4 matçı üçün satılıb".

Qeyd edək ki, AVRO-2020 bu il iyunun 11-dən iyulun 11-dək keçiriləcək. Təqvimə əsasən, Bakı Olimpiya Stadionu A qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də 1/4 final mərhələsinin 1 oyununa ev sahibliyi edəcək.

Oyunlar müvafiq olaraq iyunun 12-də, iyunun 16-da, iyunun 20-də və iyulun 3-də gerçəkləşəcək.

Oxşar xəbərlər

Uels - Türkiyə matçına neçə bilet satıldı? - AVRO-2020

Bakıda ilk oyun - AVRO-2020

Danimarka azarkeşlərə icazə verdi - AVRO-2020

Bakıdakı yığmaların proqramı bilindi - AVRO-2020

AVRO-2020: Oyunlara satılan biletlərin sayı açıqlandı