"Çətin olacağını bilirdik. İlk qol bizi tələsdirdi. Qarşıda üç oyun var, sona qədər mübarizə aparacağıq".

Sportfm.az xəbər verir ki, bu sözləri "Sumqayıt"ın baş məşqçisi Ayxan Abbasov evdə "Sabah"a 0:2 hesabı ilə uduzduqları Azərbaycan Premyer Liqasının 25-ci turunun oyunundan sonra mətbuat konfransında deyib.

40 yaşlı mütəxəssis bildirib ki, komandasında fiziki və psixololji yorğunluq var: "Alınmayanda alınmır. Bədən yorğun olanda aqressiya da olur. Həqiqətən 3-4 gündən bir oynamaq çətindir. Bu, bəhanə deyil, dözməliyik. Məğlubiyyətdən dərs çıxarmalıyıq".