Gürcüstanın paytaxtı Tbilisidə keçirilən Böyük Dəbilqədə bu gün Azərbaycanın son 2 cüdoçusu mübarizəyə qoşulub.

Sportfm.az xəbər verir ki, Aslan Mirzəyev 100 kq, Uşangi Kokauri isə 100 kq-dan yuxarı çəki dərəcəsində çıxış edib.

Mirzəyev 1/32 finalda qətərli Reda Nafvaya qalib gəlsə də, növbəti mərhələdə özbəkistanlı Muzaffarbek Turoboyevə məğlub olub.

Kokaurinin ilk qarşılaşması isə 1/8 finala təsadüf edib. O, türkiyəli Cemal Erdoğana uduzub.

Bununla da hər iki cüdoçu yarışı erkən başa vurub.

Qeyd edək ki, Azərbaycan yığması Böyük Dəbilqəyə 7 kişi və 4 qadın cüdoçu ilə yollanıb. İlk 2 yarış günündə Kəramət Hüseynov (60 kq) və Murad Fətiyev (81 kq) bürünc medal qazanıb.

Oxşar xəbərlər

Tbilisidə növbəti medal - Böyük Dəbilqə

Cüdoçularımızın ilk rəqibləri bəlli oldu - Böyük Dəbilqə

Cüdoçularımız 2 medal qazandı - Böyük Dəbilqə

Cüdoçularımız ilk görüşlərində qələbə qazandı - Böyük Dəbilqə

Cüdoçularımız Qran-Prini medalsız başa vurdu