“Keşlə" klubunun kapitanı Tərlan Quliyev müsahibə verib.

Sportfm.az həmin müsahibəni təqdim edir:
- "Keşlə"nin geridə qoyduğunuz dövrdəki çıxışını necə dəyərləndirirsiniz?

- Sənan müəllimin gəlişindən sonra komandada müsbət mənada dəyişiklər var. Bütün oyunlarda üstün oyun nümayiş etdirir. Amma təəssüf ki, istəyimizə tam olaraq çata bilmədik.

- Çatmayan isə qələbədir.

- Düzdür. Biz də oturub analiz edəndə görürük ki, üstün olduğumuz oyunlarda son anda konsentrasiyanı əldən verirdik. Komandaya 1 qələbə lazımdır ki, özünə gəlsin.

- Kapitan olaraq "Keşlə"ni arxanca aparmaq nə dərəcədə çətindir?

- Kapitan kimi bu kolektivlə elə də çətin deyil. Üzərimə düşən tapşırıq və tövsiyələri verirəm, uşaqlar da sağ olsun, can-başla qulaq asırlar.

- Mövsümün sonuna az qalıb, hansı nəticə sizi qane edəcək?

- Həm çempionat, həm də kubokda mübarizə aparırıq. Sonadək vuruşub hər iki cəbhədə ən yaxşısını etməliyik.

- "Keşlə"yə" qara zolaq"dan çıxmağa nə mane olur?

- Cəmi bir qələbə qazanmamağımız (gülür)…

- Millidən sənə dəvət gəlmədi. Bunu necə qarşıladanız?

- Milliyə dəvət almadığımı normal qarşılayıram. Amma özümə güvənirəm. Ümid edirəm, mənə dəvət gələr. Ora dəvət olunan futbolçular da zəif deyil. Yəni də dəvət gözləyəcəm.

- Millinin potensialı qrupda neçənci yeri tutmağa kifayət edir?

- Milliyə uğurlar arzu edirəm, amma çətin qrupdur... Sonadək vuruşub qalib olmalısan. O formanı geyinirsənsə, can qoymalısan. Yaxşı nəticələrə ümid edək.

- Yığmaya əsasən gənclər dəvət olundu. Bu yerdə özünü yaşlı hesab etmirsiniz?

- Xeyr! Mənim 35 yox, 28 yaşım var. Özümü yaxşı hiss edirəm, hər zaman milli komandaya xeyir verə bilərəm. (Qol.az)

Oxşar xəbərlər

"Biz qələbəyə layiq futbol oynayırıq" - Millinin üzvləri

"Milliyə dəvət alsam, ən yaxşısını etməyə çalışacağam" - Rəhman Hacıyev

"Məni başa düşənlər də oldu, qınayanlar da" - Adil Nağıyev

"De Byazinin qərarını normal qarşılayıram" - Ağabala Ramazanov

Emin Mahmudov: ""Neftçi" kimi komanda aşağı pillələrdə olmamalıdı"