Dünyanın tanınmış qrossmeysterlərindən biri olan mərhum şahmatçımız Vüqar Həşimovun adını daşıyan Vüqar Həşimov Şahmat Akademiyası Beynəlxalq Şahmat Federasiyasında (FIDE) rəsmi olaraq təsdiqlənib.

Sportfm.az xəbər verir ki, FIDE tərəfindən təsdiqlənən ABŞ, Rusiya, Almaniya, Sinqapur, Fransa, Malayziya, Qazaxıstan, Belarusiya kimi ölkələrin şahmat akademiyaları siyahısına Azərbaycandan Vüqar Həşimov Şahmat Akademiyası da qoşulub.

“Ümid edirik ki, FIDE siyahısında dünyanın ən güclü şahmatçıları sırasında yer almış qrossmeyster Vüqar Həşimovun adını daşıyan akademiya da öz bayrağını beynəlxalq turnirlərdə, dünya və Avropa çempionatlarında yüksəkliklərdə layiqincə dalğalandıracaq”, - deyə akademiyadan bildirilib.

Oxşar xəbərlər

Yeni nazir Vüqar Həşimov Şahmat Akademiyası ilə tanış oldu - FOTO

Vüqar Həşimovun xatirəsi anıldı - Vəfatının yeddinci ildönümü

Azərbaycanda yeni klub yaradıldı

Vüqar Həşimovun vəfatından 5 il ötür

Dünyanın ən güclü şahmatçılarına Vüqar Həşimov mükafatı təqdim olunacaq