Qadın və kişi cüdoçulardan ibarət Azərbaycan milli komandası Türkiyədə təlim-məşq toplanışından iştirak edəcək.

Sportfm.az xəbər verir ki, bu barədə Azərbaycan Cüdo Federasiyasının baş katibi Elmar Babanlı məlumat verib.

O bildirib ki, hər iki komandanın toplanışı Tokio Yay Olimpiya Oyunlarına hazırlıq planı çərçivəsində baş tutacaq.

Babanlının sözlərinə görə, hazırlıq prosesləri 1 - 11 fevralda olacaq. Qadınlar Ədirnədə Türkiyə və Bolqarıstan, kişilər isə Antalyada Türkiyə cüdoçuları ilə birgə məşq edəcəklər.

Qeyd edək ki, Azərbaycan cüdoçuları 18 - 20 fevralda İsrailin paytaxtı Təl-Əvivdəki Böyük Dəbilqədə mübarizə aparacaqlar.

Oxşar xəbərlər

Millimiz Daşkəndə 13 cüdoçu ilə yollanacaq - Böyük Dəbilqə

Azərbaycan və Türkiyə yığmaları toplanışda - Dünya Kuboku

Güləşçilərimiz çinlilərlə birlikdə hazırlaşır

Toplanış davam edir

Olimpiya kompleksi də işə yaradı - hazırlıq başladı