“Barselona” futbol klubunun yeni prezidenti vəzifəsinə seçkilər yanvarın 24-də saat 09:00-dan 21:00-dək keçiriləcək.

Sportfm.az xəbər verir ki, klubun tarixində ilk dəfə olaraq prezident seçkiləri COVID-19 pandemiyası ilə əlaqədar sanitariya normaları səbəbindən bir yox, on fərqli seçki məntəqəsində təşkil olunacaq. Təxminən 110 min nəfər səsvermə hüququna sahib olacaq, onların 93 faizi Kataloniyada, 4 faizi İspaniyada, 3 faizi isə xaricdə yaşayanlardır.

Seçki komissiyası üzvlərinin müəyyənləşdirilməsi üçün püşkatma mərasimi dekabrın 16-da baş tutacaq. Dekabrın 23-də seçkilərdə iştirak etmək üçün namizədlərin müraciətlərinin qəbulu aparılacaq. Namizədlik üçün imza toplanması prosesi dekabrın 23-dən yanvarın 11-dək aparılacaq. Ən azı 2257 imza toplayan namizəd seçkilərdə iştirak hüququ qazanacaq.

Oxşar xəbərlər

"Qalatasaray"ın prezidenti namizədliyini geri götürdü

BOK-da seçkilər videokonfransla keçiriləcək - Afinada

Sakinlər narazıdır - Olimpiadanın keçirilməsini istəmirlər

Dünyanın ən nəhəng klublarından biri müflis olur - "Barselona" batır

e-Milli seçimlərinə start verilir