"Qarabağ", "Neftçi" və "Kəpəz" klublarının koronavirusa yoluxmuş sabiq futbolçusu Elbrus Abbasov müalicə aldığı Ağdamdan Bakıya gətirilib.

Sportfm.az xəbər verir ki, bu barədə Futbol Veteranları İttifaqının (FVİ) sədri Oqtay Abdullayev məlumat verib.

Abdullayev bildirib ki, Abbasovun paytaxta gətirilməsində səbəb onun durumunun pisləşməsidir. FVİ sədri keçmiş hücumçunun “Yeni klinika”ya yerləşdirildiyini sözlərinə əlavə edib: "Onun yerləşdirilməsinə Azərbaycan Voleybol Federasiyasının vitse-prezidenti Faiq Qarayev köməklik edib. AFFA-nın icraçı vitse-prezidenti Elxan Məmmədov isə Abbasovun müalicəsinə dəstək olacaqlarını bildirdi".

Qeyd edək ki, Quzanlıda Uşaq Futbol Məktəbinin rəhbəri olan Elbrus Abbasov AFFA nümayəndəsi kimi də fəaliyyət göstərib.

Oxşar xəbərlər

AFFA prezidenti Sadıqovu təbrik etdi - Foto

Veteran futbolçumuz reanimasiyadan çıxdı

Azərbaycanın tanınmış futbolçusu dünyasını dəyişdi - Koronavirusdan

AFFA Elbrus Abbasovun müalicəsini nəzarətə götürdü

Nazim Süleymanov AFFA-nın tədbirində - FOTO