Azərbaycan Premyer Liqasında XI turun daha bir oyunu baş tutub.

Sportfm.az xəbər verir ki, "Qarabağ" "ASCO Arena"da "Səbail"lə üz-üzə gəlib. Qarşılaşma 1:1 hesabı ilə başa çatıb.

Ağdam klubunun baş məşqçisi Qurban Qurbanovun səhhətində problem yarandığı üçün komandanı meydana onun köməkçisi Elçin Rəhmanov çıxarıb. Matça gəlincə, hər iki qol fasilədən sonra vurulub. Əvvəlcə 57-ci dəqiqədə "dənizçilər"in hücumçusu Amil Yunanov özü qazandığı penaltini qola çevirib. Amma meydan sahiblərinin sevinci 7 dəqiqə çəkib. Abdullah Zubirin ideal ötürməsindən sonra Donald Gerye topu başla qapıdan keçirərək hesabı bərabərləşdirib. Bu, oyunda vurulmuş sonuncu qol olub.

Bu heç-heçə ilə xallarını 19-a çatdıran "Qarabağ" 1 günlük fasilədən sonra yenidən liderliyə qayıdıb. 10cu xalını qazanan "Səbail" isə 6-cı pillədə qərarlaşıb. Hər iki komandanın ehtiyatında 1 oyun var.

Günün ilk matçında "Keşlə" evdə "Sabah"la bərabərə qalıb - 1:1.

Qeyd edək ki, turun ilk oyununda "Neftçi" evdə "Zirə" ilə qolsuz heç-heçə edib. Tura sabah keçiriləcək "Sumqayıt" - "Qəbələ" görüşü ilə yekun vurulacaq.

----------------------------------------------------------

Azərbaycan Premyer Liqasında XI turun daha bir oyunu keçirilib.

Sportne.az-ın məlumatına görə, "Keşlə" "ASK Arena"da "Sabah"la heç-heçə edib - 1:1.

Görüşdə bütün qollar ikinci hissədə vurulub. 54-cü dəqiqədə meydan sahibləri azlıqda qalıb. Con Kamara qırmızı vərəqə alaraq, meydandan qovulub. 4 dəqiqə sonra qonaqlar Kevin Kubembanın qolu ilə hesabı açıb. 85-ci dəqiqədə isə Sezar Meza Kolli tarazlığı bərpa edib. Bu heç-heçədən sonra xallarının sayını 13-ə çatdıran "Keşlə" 5-ci pillədə qalıb. Masazır təmsilçisi isə 10 xalla 6-cı sıradakı mövqeyini qoruyub.

Qeyd edək ki, turun ilk oyununda "Neftçi" evdə "Zirə" ilə qolsuz heç-heçə edib. Bu günün ikinci matçında "Qarabağ" "Səbail"in qonağı olacaq. Tura sabah keçiriləcək "Sumqayıt" - "Qəbələ" görüşü ilə yekun vurulacaq.

------------------------------------------------------------

Bu gün Azərbaycan Premyer Liqasında XI turunda daha iki oyunu keçirəcək.

Sportnet.az-ın məlumatına görə, günün ilk matçında "Keşlə" "Sabah"la üz-üzə gələcək. 10 turdan sonra "Keşlə" 12 xalla 5-ci, "Sabah" isə 9 xalla 6-cı pillədə qərarlaşıb.

Komandalar indiyədək Premyer Liqada 7 dəfə üz-üzə gəliblər. Bunların 4-də "Keşlə", 1-də qonaqlar meydanı 3 xalla tərk edib. 2 görüşdə isə qalib müəyyənləşməyib. Topların nisbətində də "Keşlə"nin üstünlüyü var - 10:4. 

Günün ikinci matçında son çempion "Qarabağ" "Səbail"in qonağı olacaq. Hazırda Ağdam klubu 18 xalla ikinci, paytaxt təmsilçisi isə 7-cidir. Bu görüş tərəflərin çempionatda 12-ci dueli olacaq. Əvvəlki 11 matçın 10 da bölgə klubu qələbəyə sevinib. "Səbail" yalnız texniki qələbə sayəsində rəqibini məğlub edə bilib. Topların nisbətində də Ağdam təmsilçisinin aşkar üstünlüyü var - 19:1.

29 noyabr

Azərbaycan Premyer Liqası, XI tur

14:00. "Keşlə” – “Sabah” - 1:1

Qollar: Sezar Meza Kolli, 85 - Kevin Kubemba, 60

Qırmızı vərəqə: Con Kamara, 54 ("Keşlə")

Hakimlər: İnqilab Məmmədov, Cavanşir Yusifov, Rahil Ramazanov, Rəşad Əhmədov

Hakim-inspektor: İmanxan Sultani

AFFA nümayəndəsi: Aslan Şahgəldiyev

“ASK Arena”

16:00. “Səbail” – “Qarabağ” - 1:1

Qollar: Amil Yunanov, 57 (penalti) - Donald Gerye, 64

Hakimlər: Elçin Məsiyev, Qəzənfər Məmmədov, Kamran Bayramov, Fərid Hacıyev

Hakim-inspektor: Ömər Paşayev

AFFA nümayəndəsi: Eldəniz Musayev

“ASCO Arena”

Qeyd edək ki, XI tura noyabrın 30-da keçiriləcək "Sumqayıt" - "Qəbələ" matçı ilə yekun vurulacaq. İlk oyun günündə "Neftçi" evdə "Zirə" ilə qolsuz heç-heçə edib.