“Qarabağ” Azərbaycan Premyer Liqasında ardıcıl 3-cü dəfə 5 və ya daha çox top fərqi ilə qalib gəlib.

Sportfm.az xəbər verir ki, VIII turda “Keşlə”ni 6:1, IX turda “Neftçi”ni 6:0 hesabı ilə üstələyən Qurban Qurbanovun yetirmələri X turda “Sumqayıt”ı məğlubiyyətə uğradıb – 6:1.

Bu, klub tarixində ilk belə haldır ki, ardıcıl üç görüşdə 5 və ya daha çox top fərqli qalibiyyət əldə olunur.

Azərbaycan çempionatları tarixində isə bunadək 2 dəfə belə seriya qeydə alınıb. Bunu bacaran ilk komanda “Neftçi” olub. Bakılılar 1996/97 mövsümündə OİK-i (indiki MOİK) 9:0, “Şəmkir”i 5:0, Azərbaycanın U-18 yığmasını (sonrakı “Şəfa”) 7:1 hesabı ilə məğlub edib. Bu seriya zamanı ümumi top fərqi 21:1-ə bərabər olub.

2005/06 mövsümündə bu rekordu “Karvan” təkrarlayıb. Yevlax təmsilçisi “Göyəzən”lə MOİK-i eyni – 5:0, “Kəpəz”i 7:1 hesabı ilə üstələyib.

Oxşar xəbərlər

"Sabah"dan Musayevlə bir ilk - Qələbə sevinci

"Neftçi" antirekorda doğru - Uğursuzluq

“Sabah”ın tarixində ilk məhsuldar seriya - Premyer Liqa

"Qarabağ" tarix yazdı - Bir oyunda 6 qol

Azərbaycan Premyer Liqasında mövsümün rekordu