"Neftçi"nin yarımmüdafiəçisi Rəhman Hacıyevi heyətinə qatmaq istəyən "Qəbələ" geri addım atıb. Buna səbəb futbolçunun transfer üçün istədiyi məbləğdir.

Yeni oyunçu axtarışını davam etdirən "Qəbələ" isə həm də heyətini təmizləməklə məşğuldur. Ölkə kubokunun 1/4 final mərhələsinin birigün baş tutacaq cavab oyunundan sonra bəzi futbolçularla yollar ayrılacaq. Baş məşqçi Roman Qriqorçuk legionerlərdən yalnız Petar Franyiçi sərəncamında görmək istəmir. Amma xorvat yarımmüdafiəçi ilə müqavilə bitmədiyindən onu yola salmaq üçün qarşılıqlı anlaşma əldə etmək lazım olacaq.