"Mançester Siti”nin ispaniyalı baş məqşçisi Xosep Qvardiola yeni bir ideya ilə çıxış edib. Sportfm.az xəbər verir ki, mütəxəssis FİFA prezidenti Canni İnfantinonun DÇ-nın iştirakçılarının sayını 48-ə çatdırılması ideyası ilə bağlı fikrini bildirib. Həmçinin Qvardiola təklif edib ki, oyunda əvəzetmələrin sayında dəyişiklik edilsin. 

"Çox komanda, çox oyun deməkdir. Bu futbolçuları rəsmən öldürməkdi. Futbolun keyfiyyətidə aşağı düşəcək. Mən futbolçuları düşünürəm, onlar insandır, robot deyil. Hazırda cəmi 3 əvəzetmə etmək mümkündür. Matç sayı artacaqsa, onda qoy 6 əvəzetmə olsun. Bu daha yaxşı olardı”-deyə, Qvardiola bildirib. 

Qeyd edək ki, bir müddət öncə, FİFA prezidenti dünya çempionatında yığmaların sayının artırılmasının lazım olduğunu vurğulayıb.