Futbol üzrə Rusiya Premyer Liqasında 6-cı turun oyunları keçirilib.

Sportfm.az xəbər verir ki, azərbaycanlı futbolçu Azər Əliyevin formasını geyindiyi “Ufa” doğma meydanda Moskva “Dinamo”su ilə qarşılaşıb. Başqırdıstan təmsilçisi bu oyundan heç-heçə ilə ayrılıb - 0:0.

Azər də bu görüşün iştirakçısı olub. O, start heyətdə meydana çıxıb və sonadək mübarizə aparıb. Əliyev 43-cü dəqiqədə sarı vərəqə ilə də cəzalanıb.

“Ufa” 6 oyuna topladığı 5 xalla 16 kollektiv arasında 12-ci pillədə qərarlaşıb.