Futbol üzrə Türkiyə yığmasının və “Beşiktaş”ın hücumçusu Burak Yılmaz İstanbul klubundan ayrılmağa qərar verib.

Sportfm.az xəbər verir ki, 35 yaşlı futbolçu yeni mövsümdən karyerasını Fransanın “Lill” klubunda davam etdirəcək.

Təcrübəli forvard artıq həm “Beşiktaş”la, həm də Fransa təmsilçisi ilə bütün məsələlərdə razılığa gəlib. Yılmaz Super Liqanın son turu çərçivəsində “Gənclərbirliyi” ilə görüşdə sonuncu dəfə “Beşiktaş” formasıyla meydana çıxacaq. Türk futbolçu Liqa 1 təmsilçisi ilə iki illik müqaviləyə imza atacaq.

Qeyd edək ki, Burak Yılmaz “Lill”də forma geyinən Zeki Çelik və Yusuf Yazıcıdan sonra Fransa klubunun heyətinə qatdığı üçüncü türk futbolçu olacaq.

Oxşar xəbərlər

"Beşiktaş" Burak Yılmazla davam edəcək - QƏRAR

Burak Yılmaz Niderland klubunda - 5 illik müqavilə

Burak Türkiyəyə qayıdır - “Beşiktaş”da oynayacaq

"Lill" azarkeşlərinin Burak sevgisi - VİDEO

Burak Yılmaz Türkiyəyə qayıdır - İddia