Mövsümün bərpa olunacaq hissəsinə hazırlıq çərçivəsində baş tutan “Sumqayıt” – “Qəbələ” yoxlama oyunundan (2:2) sonra “qırmızı-qaralar”ın çalışdırıcısı Elmar Baxşıyevin mətbuat konfransı keçirilib.

Sportfm.az xəbər verir ki, 40 yaşlı mütəxəssis nəticəni şərh edib: “Əsas tələbimiz, istəyimiz odur ki, futbolçuları zədədən qoruyaq. Məşq proseslərini buna uyğun qurmuşuq. Lakin nə qədər də çalışsaq, zədələr qaçılmazdır. Bugünkü matçı da bəzi aparıcı oyunçularımız məhz bu səbəbdən buraxdı. Amma yenə ümidliyik. Çalışacağıq ki, komanda kimi daha yaxşı çıxış edək və yaxşı nəticələr göstərək. 

Amin Seydiyev müqavilə ilə “Qəbələ”yə məxsusdur. O, qarşıdakı mövsümdə karyerasını “Sabah”da davam etdirəcək. Amin elə oyunçudur ki, son gücünədək hazırda olduğu komandasına sərf edəcək. Futbolçuların psixoloji durumu qaydasındadır. Uzun müddət futboldan kənar qalsalar da, məşqlərə başlayanda problem yaranmadı. Onlar tapşırıqları maksimum yerinə yetirməyə çalışırlar. 

Vaxt azlığı var. Belə durumda olmamışdıq. Təlim-məşq toplanışına gedəndə də bilirdik ki, vaxtımız var və nəyin üzərində işləməliyik. Amma indi vaxt bizi sıxır. Bu sıxılmış vaxtda optimal komanda yaratmaq istəyirik. İnanıram ki, çempionat oyunlarında komanda getdikcə özünə bənzəyəcək. Mövsüm hələ bitməyib. Cari mövsümü layiqincə başa vurmaq, daha yüksək pilləyə qalxmaq istəyirik”. 

Oxşar xəbərlər

"Meydana çıxdığı üçün ona təşəkkür edirik” - Elmar Baxşıyev

“Çoxdandır oynamır. İdman formasını qaytarmaq çox çətin olacaq" - Qurban Qurbanov

"Optimal formada deyilik" - Elmar Baxşıyev

"Heyətlə bağlı sıxıntımız var idi" - Elmar Baxşıyev

"“Keşlə”də yüksəliş var" - Sənan Qurbanov