"Qarabağ” sabah Avroliqanın qrup mərhələsinin 5-ci turu çərçivəsində səfərdə "Slovan”la qarşılaşacaq.  Komanda.az xəbər verir ki, Çexiya klubunun baş məşqçisi Yindrix Trpisovski "Qarabağ"a qarşı keçirəcəkləri oyunla bağlı fikirlərini bildirib:  

"Qarabağ"ı öz meydanımızda məğlub etmək istəyirik. Bununla həm də ev oyunlarındakı uğursuz seriyaya son qoya bilərik. Eyni zamanda, azarkeşlərimizi də sevindirmiş olarıq. Çünki bizim fanatlarımız qarşısında böyük borcumuz var".  

Qeyd edək ki, "Slovan” - "Qarabağ” matçı sabah keçiriləcək və saat 22.00-da başlayacaq.