İtaliyanın paytaxtı Romada güləş üzrə Avropa çempionatı davam edir.

Sportfm.az xəbər verir ki, Dördüncü yarış günündə qadınlardan ibarət yığmamızın son 4 üzvü mübarizəyə qoşulub.
Tatyana Varansova ilk görüşdə İspaniya təmsilçisiylə üz-üzə gəlib. Mingəçevir güləş məktəbinin yetirməsi hesabda 2:5 geridə olsa da, əzmkarlıq nümayiş etdirərək yekunda qələbə qazanıb. Ancaq 1/8 finalda Hollandiya güləşçisi qarşısında aciz qalıb.

Alyona Kolesnik gözlənilmədən ilk mərhələdə Norveç təmsilçisinə vaxtından əvvəl uduzub.

Mübarizəyə 1/4 finaldan qoşulan Elis Manolova startda dünya və 2 qat Avropa çempionu Petra Olliylə qarşılaşıb. Təmsilçimiz ötən il Buxarestdə olduğu analoji yarışda olduğu kimi, yenə titullu rəqibinə qalib gəlib və yarımfinala yüksəlib.

Tatyana Omelçenko təsnifat mərhələsində italyan güləşçiyə qalib gəlib. Yığma üzvü daha sonra Macarıstan təmsilçisini üstələyərək adını yarımfinala yazdırıb.

Qeyd edək ki, bu çəkilərdə yarımfinal qarşılaşmaları Bakı vaxtı ilə saat 19:45-də başlayacaq.

53 kq
Təsnifat:Tatyana Varansova- Marina Rueda Flores (ESP) 8:5
1/8 final: Tatyana Varansova - Cesika Korneliya Blaşka (NED) 0:10

57 kq
1/4 final: Alyona Kolesnik - Qreys Cekob Bullen (NOR) 0:5 (tuşe)

62 kq
Təsnifat:Tatyana Omelçenko- Aurora Kampaqna (İTA) 3:0
1/4 final:Tatyana Omelçenko- Marianna Sastin (HUN) 5:3
1/2 final: Tatyana Omelçenko - Yuliya Tkaç (UKR)

65 kq
1/4 final:Elis Manolova- Petra Olli (FİN) 8:1
1/2 final: Elis Manolova - Mariya Kuznetsova (RUS)

Oxşar xəbərlər

Qadın idmançılarımız lisenziya üçün güləşəcək - Təsnifat Turniri

Güləşçilərimiz lisenziyasız qaldı - Təsnifat Turniri

Qadın güləşçimiz Avropa çempionatının finalında

Millinin Avropa çempionatı üçün heyəti - SİYAHI

Qadın güləşçimiz Avropa çempionu oldu - FOTO