"Barselona” rəhbərliyi komandanın aparıcı futbolçularından olan Luis Suareslə danışıqlara başlayıb. Sportfm.az xəbər verir ki, kataloniyalılar uruqvaylı hücumçu ilə yeni müqavilə imzalamaq niyyətindədirlər. Suaresin hazırkı sözləşmənin müddəti 2019-cu ildə başa çatır. Buna baxmayaraq, "Barsa” rəhbərliyi onun anlaşmasını yeniləməyə qərar verib. Yeni müqavilənin neçə illik olacağı hələ bəlli deyil.

Qeyd edək ki, "Barselona”ya 2014-cü ildə "Liverpul”dan transfer olunan Suares hazırkı komandasında ümumilikdə 111 oyunda 94 qola imza atıb.