"Real" 2020-ci ilin transfer bombasını partlatmağa hazırlaşır.

Sportfm.az xəbər verir ki, "Kral Klubu" "Liverpul"un ulduzu Sadio Mane üçün danışıqlara başlayıb.

"Le10Sports"un xəbərinə görə, Madrid klubu seneqallı futbolçunu yayda heyətinə qatmaq istəyir. Amma danışıqlara indidən başlayıb və tez bir zamanda "Liverpul"la anlaşıb, transferi elan etmək niyyətindədi.

Baş məşqçi Zinəddin Zidanın israrla istədyii Sadio Mane ilə ilk görüş Parisdə baş tutub. Görüşdə futbolçunun maaşı müzakirə edilib.

Qeyd edək ki, Sadio Mane "Liverpul"a 2016-cı ilin yayında "Sautqempton"dan 41.2 milyon avroya transfer olunub. Hazırda "Transfermarkt"ın 150 milyon avro qiymət qoyduğu 27 yaşlı forvard cari mövsümdə meydana çıxdığı 27 rəsmi oyunda 14 qol vurub və 11 məhsuldar ötürmə edib.

Oxşar xəbərlər

Mane Almaniyaya gedir - Keçid

3 transfer üçün 320 milyon avro

Turin klubu Salahdan əl çəkmir

"Real" bu transferdə hər kəsi qabaqladı

"Liverpul"dan rəsmi transfer