“Mançester Siti” “Bavariya”nın transfer etmək istədiyi Leroy Saneylə bağlı qərarını verib.

Sportfm.az xəbər verir ki, “şəhərlilər” 23 yaşlı yarımmüdafiəçini yanvarda satmayacaq. Bu barədə “The Mirror” nəşri məlumat yayıb. “Mançester Siti”nin baş məşqçisi Xosep Qvardiola Sanenin ən azı mövsümün sonuna qədər komandada qalmasını istəyib.

Almaniyanın “Bavariya” klubu mövsümün əvvəlində Saneni transfer etmək istəsə də, futbolçunun zədələnməsi planları pozmuşdu. Almaniya mətbuatının xəbərinə görə, Münhen təmsilçisi qış transfer pəncərəsi dövründə Sane üçün yenidən rəsmi təklif göndərəcək.

“Mançester Siti” ilə 2021-ci ilin yayına qədər müqaviləsi olan Sane, zədə səbəbindən bu mövsüm Premyer Liqada heç bir oyunda iştirak etməyib.

Oxşar xəbərlər

Qvardiola “Mançester Siti”də qaldı - RƏSMİ

“Mançester Siti”də serbiyalı oyunçu - RƏSMİ

2020-ci ilin ən bahalı transferləri - SİYAHI

"Bavariya" millinin üzvünü transfer etdi - RƏSMİ

İngiltərədə ilin transferi gerçəkləşir