"Monako"nun baş məşqçisi Leonardo Jardimin başı üzərini "qara buludlar" alıb.

Sportfm.az xəbər verir ki, həftəsonu "Lill"lə qarşılaşma Jardimin "Knyazlıq klubu"nda son oyunu ola bilər. 

"Monako" hazırda Liqa-1-də 9-cu yerdə olsa da, son üç turda 2 qələbə qazanıb, birində heç-heçə oynayıb. Amma iki gün əvvəl "Monako"nun kubok matçında öz evində "Lill"ə 0:3 uduzması və yarışda mübarizəni dayandırması fanatları yenidən özündən çıxarıb.

Azarkeşlər israrla baş məşqçinin istefasını tələb edir. Təsadüfdən monakolular həftəiçi kubokda uduzduqları "Lill"lə şənbə günü yenidən - bu dəfə çempionat matçında üz-üzə gələcək.

Jardimin komandası "itlər" ləqəbini daşıyan "Lill"ə yenə uduzarsa, o zaman rəhbərlik baş məşqçi ilə bağlı qəti qərar verməli olacaq.

Oxşar xəbərlər

“Lill” “Monako” ilə qarşılaşacaq - AFİŞA

PSJ “Nant”a qarşı - AFİŞA

PSJ "Lill"ə qarşı - AFİŞA

"Lill" - "Monako" 2:1 - VİDEO

45 il sonra gələn antirekord