FIFA milli komandaların yeni reytinqini açıqlanıb.

Sportfm.az xəbər verir ki, hesabat dövründə yoxlama oyununda Bəhreynə 3:2 hesabı ilə qalib gələn, AVRO-2020-nin seçmə mərhələsində isə Macarıstana 0:1 hesabı ilə uduzan Azərbaycan millisi 2 pillə geriləyib.

Nikola Yurçeviçin rəhbərlik etdiyi kollektiv 1189 xalla 111-ci sırada qərarlaşıb.

AVRO-2020-nin seçmə mərhələsində Azərbaycan millisi ilə eyni qrupda yer alan Xorvatiya 1 pillə irəliləyib. Zlatko Daliçin baş məşqçisi olduğu komanda 1631 xalla 7-ci sıradadır. Bir pillə geriləyən Uels 1524 xalla 24-cüdür. İKisi sıra aşağı düşən Slovakiya 1493 xalla 31-ci mövqedədir.Macarıstan isə 1429 xalla 50-ci yerdə qalıb.

Qeyd edək ki, ilk 4 sırada dəyişiklik olmayıb. Belçika 1755 xalla liderdir. Fransa 1726 xalla 2-ci, Braziliya 1715 xalla 3-cü, İngiltərə isə 1651 xalla 4-cü sıradadır. 1642 xala malik Uruqvay isə Portuqaliyanı keçərək 5-ci pilləyə yüksəlib.

Oxşar xəbərlər

Millimiz 1 pillə irəlilədi - FİFA reytinqi

Azərbaycan millisi 2 pillə gerilədi - FIFA reytinqi

Millimiz 5 pillə irəlilədi - FIFA reytinqi

Millimiz FIFA reytinqində gerilədi

Azərbaycanın FIFA reytinqindəki mövqeyi dəyişmədi