"Ancaq “Qarabağ”ı düşünürük" -

Yazar araz 18 sentyabr 2019 20:55 1017 nəfər baxıb

"Ancaq “Qarabağ”ı düşünürük" -Xulen Lopeteqi

Avropa Liqasının qrup mərhələsində “Qarabağ”ın qonağı olacaq “Sevilya”nın baş məşqçisi Xulen Lopeteqi oyun öncəsi fikirlərini bölüşüb.

Sportfm.az xəbər verir ki, ispaniyalı mütəxəssis suallara cavab verib:

- Daha öncə “Atletik” və “Atletiko” klubları daha öncə Bakıda qalib gələ bilməyib. Bu barədə məlumatınız var? Bu, sizin üçün nə deməkdir?

- Axşamınız xeyir. Əlbəttə, bura gələn klublar haqda məlumatım var. Bu faktı bilirəm. Bu klubda güclü yerli və legioner futbolçular var. “Qarabağ” digər Avropa klublarının da işlərini çətinləşdirib.

- Sizin üçün burdan məğlubiyyət və ya heç-heçə ilə ayrılmaq nə demək olacaq?

- Çətinliklərə baxmayaraq, qalib gələcəyimizə inanırıq. “Qarabağ”ı güclü klub hesab edirik.

- “Sevilya”nın həftəsonu “Real”la oyunu var. Bəzi oyunçuları ehtiyatda saxlaya bilərsiniz?

- Bizim üçün bir oyun var. Ancaq “Qarabağ”ı düşünürük.

- Sabah heyətdə dəyişikliklər baş verəcək?

- Bütün futbolçular tam hazırdır. Sabah qərarımızı verəcəyik. Dəyişikliklər mümkündür.

- Yalnız sabahkı oyunu düşünürsünüz, yoxsa “Real”la matç da beyninizdədir?
- Bütün atlara birdən minmək mümkün deyil. Yalnız bir ata minmən istəyirik. Bütün diqqətimizi sabahkı görüşə yönəltmişik.