Azərbaycanlı futbolçu Nurlan Novruzovun yeni klubu müəyyənləşib.

Sportfm.az xəbər verir ki, 26 yaşlı hücumçu rəsmi "Facebook" hesabından karyerasını Moldovada davam etdirəcəyi ilə bağlı paylaşım edib.

Novruzov ölkənin Yüksək Liqasında mübarizə aparan "Dinamo-Avto" klubu ilə müqavilə imzalayıb. Sözləşmənin detalları hələ ki, bəlli deyil.

Nurlan Novruzov "Bakı", "Sumqayıt", "Zirə", "Səbail" kimi komandaların formasını geyinib. O, son olaraq Türkiyənin "Dersim 62 Spor" kollektivində çıxış edib. Forvard 2014/2015 mövsümündə "Bakı"nın heyətində Azərbaycan Premyer Liqasının bombardiri olub.

Qeyd edək ki, Moldova klubunu 1993-cü ildə "Olimpik Marsel"in heyətində Çempionlar Liqasını qazanan İqor Dobrovolski çalışdırır. 

Oxşar xəbərlər

Novruzov Litva klubunda - Transfer

Azərbaycanlı oyunçu klubsuz qaldı

Azərbaycan çempionatının bombardiri Estoniya klubunda

Novruzovun yeni klubu bəlli oldu

Topaz Premyer Liqasının bombardiri klubsuz qaldı