Avropa Olimpiya Komitələrinin (EOC) səlahiyyətləri əlindən alınmış sabiq prezidenti Patrik Hikki "Minsk 2019" II Avropa Oyunlarında iştirak edəcək.

Sportfm.az xəbər verir ki, bu barədə "Inside the Games"ə EOC-dan verilən açıqlamada bildirilir.

Mənbə irlandiyalı funksionerin Oyunların keçiriləcəyi müddətdə Minskdə qalmayacağını əlavə edib.

EOC iyunun 21-də keçiriləcək açılış mərasiminə özünün bütün sabiq prezidentlərinin dəvət edildiyini də açıqlayıb. Oyunlar iyunun 30-dək davam edəcək.

Qeyd edək ki, Patrik Hikki 2016-cı il Rio-de-Janeyro Yay Olimpiya Oyunlarından əvvəl oğurluq, vergidən yayınma, çirkli pulların yuyulması və mütəşəkkil cinayətkarlıq ittihamları ilə həbs olunub. Ondan yüzlərlə olimpiada bileti müsadirə olunub. Sabiq prezidentin özü isə bütün ittihamları rədd edib. Hikkiyə məhkəmə araşdırmaları 2018-ci ilin noyabrında başlamalı olsa da, Braziliya Ali Məhkəməsi tərəfindən dayandırılıb. Beynəlxalq Olimpiya Komitəsinin Etika Komissiyası irlandiyalı funksionerin statusu barədə hələ qərar qəbul etməyib. Braziliyadan İrlandiyaya qayıtdıqdan sonra o, ictimaiyyət arasında nadir hallarda görünüb. Lakin Hikki 2017-ci ildə Macarıstanın paytaxtı Budapeştdə və 2018-ci ildə Bakıda keçirilmiş dünya çempionatlarında iştirak edib. O, ilk dəfə 2015-ci ildə Bakıda keçirilmiş Avropa Oyunları ideyasının müəllifi və təşəbbüskarıdır.   

Oxşar xəbərlər

III Avropa Oyunlarının keçiriləcəyi ölkə açıqlandı

III Avropa Oyunlarına yeganə namizəd ölkə müəyyənləşdi

III Avropa Oyunları hansı ölkədə keçiriləcək? - Seçim başladı

İkinci Avropa Oyunları bu şəhərdə olacaq

Avropa Olimpiya Komitəsinin prezidenti həbs edildi