Azərbaycan millisinin və Rusiyanın "Krılya Sovetov" klubunun futbolçusu Ramil Şeydayev Bakıdan paylaşımı ilə diqqət çəkib.

Sportfm.az xəbər verir ki, 23 yaşlı hücumçu yığmanın oyunlarından sonra paytaxtda bir neçə gün istirahət edib. Amma Şeydayev bu müddətdə də futbolsuz qalmayıb. O, İçəri Şəhər küçələrində uşaqlarla futbol oynayıb.

Forvard həmin vaxt dronla çəkilmiş videosunu paylaşaraq "Hələlik, Bakı" yazıb. Bu görüntüləri Rauf və Faiq Mirzəyev qardaşlarının "Detstvo" ("Uşaqlıq") mahnısı müşayiət edib.  

Qeyd edək ki, Ramil Şeydayev Azərbaycan millisinin Macarıstana 1:3, Slovakiyaya isə 1:5 hesabı ilə uduzduğu AVRO-2020-nin seçmə oyunlarındakı çıxışı ilə alqışlar qazanıb.

Oxşar xəbərlər

Şeydayev azarkeşlərdən üzr istədi

Şeydayev oynadı, "Krılya Sovetov" qalib gəldi

Şeydayev oynadı, komandası məğlub oldu

Ramil Şeydayev yenə qol vurdu

Ramil Şeydayev qarpız payladı - FOTO